Yeh patjhad hai,
Main patta tere baazuon se gira,
Tu dekh, Main hoon ujhda
Khwab tere shaakhon ka,

Daba hoon unhi pairon tale,
Chaon mein tere jo chain dhoondhte chale,
Teri aankhon se tapke aansuon ko woh kuchle,
Murjha gaya hoon ab, Ab jaan baaki nahi,

Zara saans le, Ek uff to kar de,
Main udke phir teri baahon mein simat jaaunga,
Thoda hasoonga, Thoda khiloonga,
Phir khwaab honge, khwahishein hongi,

Koshishein hongi,
Woh aakhri udaan bharne ki,
Khwaab honge aasmaan ke,
Abhi to hashar zameen hai,

Flihaal, sab theek to nahi,
Koshishein rahein bas yunhi,
Tere bagair wajood nahi,
Saansein meri rahi nahi,

Abhi to bas wohi hoon main,
Ujhda khwaab tere shaakhon ka,
Hashar abhi zameen hai..

Advertisements